إزاي تعرفى ان ابنك عندة صعوبات تعلم؟

كتير من الأمهات والآباء بيلاحظوا إن ولادهم عندهم تأخر بسيط فى الدراسة أومش بيستوعبوا بسرعة زى زمايلهم، وده ساعات بيعمل قلق. الحقيقة إن الموضوع مش دايمًا ليه علاقة بالذكاء… ممكن يكون الطفل عنده صعوبات تعلم وده شىء بسيط، بس محتاج طريقة شغل مختلفة وتدخل بدري.

أول علامة: مشاكل واضحة فى القراءة

• بيقرا ببطء جدًا.

• بيبدّل بين الحروف (زى الباء والدال – السين والشين).

• بينسى صوت الحرف رغم إنه اتشرحله أكتر من مرة.

• بيغلط كتير فى نطق الكلمات الجديدة.يبقى لازم تاخدى بالك… دى علامات دسلكسيا (صعوبات قراءة).

ثانى علامة:صعوبات فى الكتابة الطفل ممكن يكون ذكاؤه ممتاز، بس عنده مشكلة فى الكتابة:

• الخط مش واضح أو متلخبط.

• يكتب الكلمة غلط كل مرة بشكل مختلف.

• يعكس ترتيب الحروف.

• صعوبة إنه يكمّل جملة من غير ما يوقف أو يغلط.

ثالث علامة: صعوبة فى الرياضيات

• بيخلط بين الأرقام.

مش قادر يحفظ جدول الضرب.

• بينسى الخطوات الأساسية للحساب.

• بيحس إن المسائل معقدة جدًا حتى لو بسيطة.دي علامات تستاهل متابعة

رابع علامة:مشكلات الانتباه والتركيز

كتير من أطفال صعوبات التعلم بيكون عندهم مشاكل تركيز

• يتشتت من أقل حاجة.

• مش بيعرف يقعد فترة طويلة.

• بينسى التعليمات بسرعة.

• يسهو كتير وهو بيحل أو بيذاكر.بس مهم نفرّق:مش كل طفل شقي = عنده ADHDومش كل طفل بيتشتت = عنده صعوبات تعلم.⚠️

خامس علامة: سلوكيات فى البيت :

• بيتعصب وقت المذاكرة.

• بيقول “مش فاهم” حتى بعد الشرح.

• ثقته فى نفسه قليلة.

• متفوق فى حاجات تانية (رسم – ألعاب – كمبيوتر)…لكن ضعيف فى الدراسة،فده مؤشر إن طريقة التعلم العادية مش مناسبة له.

 أروح لمين لو شكّيت؟

التشخيص الصح بيكون عند:

• أخصائى صعوبات تعلم.

• أخصائى نفسى تربوى.

• مركز تقييم قدرات.بيعملوا اختبارات بسيطة تبين نوع الصعوبة وخطة العلاج والتعليم المناسب.

ايه الفرق بين صعوبات التعلم و اضطرابات التعلم؟

اضطرابات التعلم تنتج بسبب وجود خلل في الجهاز العصبي أو بسبب العوامل الوراثية ومشاكل في النمو، أما صعوبات العلم فهي قد تكون بسبب المشاكل العائلية أو الظروف المختلفة التي تحيط بالطفل.

صعوبات التعلم مش نهاية الدنيا، بالعكس…أكتر الأطفال دول أذكياء جدًا، بس محتاجين طريقة مختلفة يذاكروا ويتعلموا بيها.وكل ما اكتشاف المشكلة يكون بدري، النتايج بتكون أحسن بكتير.